Bakı və Abşeron yarımadasında fevralın 26-da hava şəraitinin dəyişkən buludlu olacağı, arabir tutulacağı və əsasən yağmursuz keçəcəyi proqnozlaşdırılır.
“Operativ Məlumat Mərkəzi-OMM” xəbər verir ki, bu barədə məlumatı Milli Hidrometeorologiya Xidməti yayıb. Bildirilib ki, gündüz bəzi yerlərdə çiskinli hava və cənub-şərq küləyi müşahidə olunacaq.
Paytaxtda havanın temperaturu gecə 3-5° isti, gündüz 7-10° isti təşkil edəcək. Atmosfer təzyiqi 764 mm civə sütunu, nisbi rütubət isə 75-85% olacaq.
Azərbaycanın rayonlarında isə gündüzdən başlayaraq bəzi yerlərdə arabir yağıntılı hava gözlənilir. Axşam ayrı-ayrı yerlərdə yağıntıların intensivləşəcəyi, dağlıq ərazilərdə qar yağacağı ehtimalı var.
Gecə və səhər bəzi yerlərdə duman olacaq, şərq küləyi gündüz arabir güclənəcək. Bölgələrdə temperatur gecə 3-7° isti, gündüz 7-12° isti, dağlarda gecə 5-10° şaxta, gündüz 0-5° isti olacaq.
