Prezident İlham Əliyevin siyasi hakimiyyətinin ötən 20 illik fəaliyyəti dövründə imzaladığı sərəncamlarla 53 prokurorluq işçisi ali rütbəyə layiq görülüb, 254-ü isə müxtəlif titullarla təltif edilib.
"Operativ Məlumat Mərkəzi-OMM" xəbər verir ki, bunu oktyabrın 14-də Baş Prokurorluqda keçirilən “Müzəffər Ali Baş Komandan İlham Əliyevin Azərbaycan Prezidenti seçilməsinin 20-ci ildönümü ilə əlaqədar” tədbirdə Baş prokuror Kamran Əliyev deyib.
Kamran Əliyev dövlətimizin başçısı tərəfindən Prokurorluq orqanlarının peşə bayramının 105 illiyi münasibətilə 7 prokurorluq əməkdaşının ali xüsusi rütbə verildiyini də xatırladıb. "Bu da Prezidentin prokurorluq əməkdaşlarına göstərdiyi diqqət və qayğının təcəssümüdür", - deyə Baş prokuror qeyd edib.
