Azərbaycan Respublikasının Prezidenti İlham Əliyev 31-ci “Baku Energy Forum”un rəsmi açılış mərasimində enerji təhlükəsizliyi və qlobal iqlim məsələlərinə toxunub. Dövlət başçısı bildirib ki, müasir dünyada qazıntı yanacağından imtina etmək mümkün deyil.
Prezident çıxışı zamanı ətraf mühitin qorunması və iqlim dəyişiklikləri ilə mübarizənin vacibliyini vurğulayaraq qeyd edib ki, hər kəs daha sağlam bir planetdə yaşamaq arzusundadır. Bununla belə, enerji sahəsində praqmatik yanaşmanın zəruriliyini qeyd edən İlham Əliyev deyib:
- Enerji təhlükəsizliyi ilə bağlı gələcək planlar realizmə əsaslanmalıdır.
- Eyni zamanda, bərpaolunan enerji mənbələrinə investisiya qoyuluşu davam etdirilməlidir.
