Türk dövlətlərinin vahid muzey kartı layihəsi həyata keçirilir.
“Operativ Məlumat Mərkəzi-OMM” xəbər verir ki, bu barədə Türk Dövlətləri Təşkilatının (TDT) Baş katibi Kubanıçbek Ömüralıyev Qazaxıstanın Türküstan şəhərində TDT-nin qeyri-rəsmi sammitində bildirib.
Ömüralıyevin sözlərinə görə, ümumtürk irsinin qorunub saxlanması, onun təbliği və gələcək nəsillərə ötürülməsi təşkilatın əsas prioritetlərindən biri olaraq qalır.
"Hazırda vahid muzey kartı layihəsi həyata keçirilir. Bu layihə vahid türk muzey kartı ilə Türk dünyası ölkələrinin muzeylərini ziyarət etmək imkanını nəzərdə tutur", - TDT-nin Baş katibi bildirib.
