Ali Laricani ABŞ Prezidenti Donald Trumpın Yaxın Şərq siyasətini kəskin tənqid edib.
“Operativ Məlumat Mərkəzi-OMM” xəbər verir ki, İran Ali Milli Təhlükəsizlik Şurasının katibi sosial media hesabında yazıb ki, “Tramp boş ümidləri ilə bölgəni xaosa sürükləyib və indi Amerika qoşunları arasında daha çox itkilərdən qorxur”.
Laricani bildirib ki, Tramp “Amerika birinci” siyasi şüarını “İsrail birinci”yə çevirib. Onun sözlərinə görə, ABŞ yəhudi dövlətinin istəkləri naminə amerikalı hərbçilərini itirir.
Qeyd edək ki, bundan əvvəl Donald Tramp İrana qarşı hərbi əməliyyatlar başa çatana qədər ABŞ-nin daha çox itki verə biləcəyini açıqlamışdı.
