Bu gün UEFA Çempionlar Liqasında II təsnifat mərhələsi başa çatacaq.
"Operativ Məlumat Mərkəzi-OMM"-in məlumatına görə, Azərbaycan çempionu "Qarabağ"ın növbəti raunddakı rəqibi bəlli olacaq.
Belarusun "Dinamo" (Minsk) komandası Macarıstanda Bolqarıstan təmsilçisi "Ludoqorets"lə üz-üzə gələcək. Cavab qarşılaşması Bakı vaxtı ilə saat 22:45-də start götürəcək.
Ötən həftə baş tutan ilk görüşdə bolqarlar qələbə qazanıblar - 2:0.
Qeyd edək ki, Çempionlar Liqasında III təsnifat mərhələsinin ilk oyunları avqustun 6-7-də, cavab matçları isə avqustun 13-də keçiriləcək.
