Bakıda təşkil olunan Dünya Şəhərsalma Forumunun 13-cü sessiyası (WUF13) çərçivəsində reallaşan "Bakı Şəhər Həftəsi" ölkənin 9 şəhərini əhatə edərək geniş ictimai iştirak mühiti formalaşdırıb. Dövlət Şəhərsalma və Arxitektura Komitəsinin sədri və WUF13 üzrə milli koordinator Anar Quliyev tədbirin bağlanış mərasimində bu barədə məlumat verib.
Onun sözlərinə görə, forum çərçivəsində keçirilən 55 tədbir və festivalda 115 mindən çox şəxs iştirak edib. Anar Quliyev qeyd edib ki, bu təşəbbüs dayanıqlı şəhərsalma ilə bağlı müzakirələrin daha geniş auditoriyaya çatdırılmasına şərait yaradıb və WUF13-ün təsiri yalnız konfrans məkanı ilə məhdudlaşmayıb.
