İran Prezidenti Məsud Pezeşkian ABŞ ilə aparılan danışıqlar prosesinə dair münasibətini açıqlayıb. O, Tehranın heç bir halda xarici təzyiqlərə və qeyri-münasib tələblərə təslim olmayacağını vurğulayıb.
Prezidentin bazar ertəsi yayılan açıqlamasına görə, İran İslam Respublikası istənilən diplomatik müzakirələrdə öz prinsipial mövqeyini qoruyacaq və təzyiq altında qərarlar qəbul etməyəcək. Pezeşkian bildirib ki, İran heç bir şəraitdə təzyiq və həddindən artıq tələblərə boyun əyməyəcək.
Xatırladaq ki, son dövrlərdə Tehran rəsmiləri ABŞ ilə diplomatik təmaslarda qarşılıqlı hörmət və bərabərlik prinsiplərinin əsas götürülməsinin vacibliyini dəfələrlə qeyd ediblər.
