Prezident İlham Əliyev kənd təsərrüfatı məsələləri ilə bağlı keçirilən müşavirədə son 20 il ərzində aqrar sahədə texnika parkının yenidən formalaşdırıldığını bildirib. Dövlət başçısı qeyd edib ki, bu istiqamətdə əhəmiyyətli tədbirlər həyata keçirilib.
Prezidentin sözlərinə görə, köhnə texnikalar demək olar ki, tamamilə sıradan çıxarılıb və dövlət tərəfindən fermerlər üçün əlverişli şərtlər yaradılıb. İlham Əliyev həmçinin ölkədə kənd təsərrüfatı texnikasının istehsalına başlanıldığını vurğulayaraq, gələcəkdə bu sahədə əlavə addımların atılacağını diqqətə çatdırıb.
