Azərbaycan Respublikasının Prezidenti İlham Əliyev İordaniya Haşimilər Krallığının milli bayramı – Müstəqillik Günü münasibətilə Kral Əlahəzrət II Abdullah ibn Al Hüseynə təbrik məktubu ünvanlayıb.
Dövlət başçısı təbrikində öz adından və Azərbaycan xalqı adından Krala və İordaniya xalqına ən xoş arzularını çatdırıb. Prezident İlham Əliyev məktubunda aşağıdakı fikirləri ifadə edib:
“Əlahəzrət, İordaniya Haşimilər Krallığının milli bayramı – Müstəqillik Günü münasibətilə Sizi və Sizin simanızda bütün xalqınızı ürəkdən təbrik edirəm. Bu əlamətdar gündə Sizə möhkəm cansağlığı, xoşbəxtlik, fəaliyyətinizdə uğurlar, dost İordaniya xalqına isə daim əmin-amanlıq və firavanlıq arzulayıram.”
