Azərbaycan Respublikası ilə Latviya Respublikası arasında daxili işlər orqanları səviyyəsində əməkdaşlıq genişlənir. Prezident İlham Əliyev tərəfindən imzalanan fərmanla tərəflər arasında əməkdaşlıq haqqında saziş təsdiq edilib.
Sözügedən sənəd cari ilin aprel ayının 22-də Bakı şəhərində imzalanıb. Fərmana əsasən, sazişin müddəalarının icrasına Azərbaycanın Daxili İşlər Nazirliyi məsuliyyət daşıyır. Eyni zamanda, Xarici İşlər Nazirliyinə tapşırılıb ki, sənədin qüvvəyə minməsi üçün tələb olunan dövlətdaxili prosedurların başa çatması barədə Latviya tərəfinə müvafiq bildiriş göndərsin.
