Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov minatəmizləmə işlərinin gedişatı barədə məlumat verib.
Emin Hüseynovun sözlərinə görə, son beş il ərzində həyata keçirilən tədbirlər nəticəsində ərazilərin minalardan təmizlənməsi istiqamətində müəyyən irəliləyişlər əldə olunub:
- Ağdam rayonu: ərazinin təxminən 60 faizi;
- Füzuli rayonu: ərazinin təxminən 78 faizi;
- Xocavənd rayonu: ərazinin təxminən 16 faizi minalardan təmizlənib.
Xüsusi nümayəndə mina probleminin bölgə üçün fundamental xarakter daşıdığını vurğulayıb. O qeyd edib ki, bu təhlükənin yaxın zamanda tamamilə aradan qaldırılması mümkün deyil və reallıqla hesablaşaraq mübarizəni davam etdirmək lazımdır: "Biz buna qarşı daim diqqətli olmalı, ehtiyatlı davranmalı və insanlarımızın təhlükəsizliyini prioritet etməliyik".
