Avropa İttifaqı sanksiyalar siyahısına Belarus təhlükəsizlik qüvvələrinin nümayəndələrini, həmçinin BelTA agentliyinin baş direktoru və ölkə prezidentinin mətbuat xidmətinin keçmiş rəhbəri Dmitri Juku əlavə edib.
"Operativ Məlumat Mərkəzi-OMM" xəbər verir ki, bu barədə Aİ Şurasının saytında bildirilib.
“Bu gün Şura daha 28 nəfərin Belarusda davam edən daxili təzyiqlər və insan hüquqlarının pozulmasında rolu ilə əlaqədar məhdudlaşdırıcı tədbirlərin tətbiqi barədə qərar qəbul edib”, - deyə məlumatda bildirilir.
Baş Mütəşəkkil Cinayətkarlığa və Korrupsiyaya Qarşı Mübarizə İdarəsi rəislərinin iki müavini barəsində həbs qətimkan tədbiri seçilib. Siyahılarda prokurorlar, hakimlər və müxtəlif müəssisələrinin rəhbərləri də var.
Sanksiya siyahısına BelTA-nın baş direktoru ilə yanaşı, agentliyin baş direktoru İrina Akuloviç, Senat televiziya proqramının aparıcısı və Belarus Milli Assambleyasının Gənclər Şurasının sədri Nikita Raçilovski də daxildir.
Bəyanatda qeyd olunub ki, onlar repressiyalar barədə ictimaiyyəti yanlış məlumatlandırıb, dezinformasiyalar yayıblar, demokratik müxalifətə və vətəndaş cəmiyyətinə qarşı nifrətə təkan veriblər.
Hazırda Aİ-nin Belarusa qarşı məhdudlaşdırıcı tədbirləri 261 şəxsə və 37 təşkilata şamil edilir.
