Milli Məclis qarşıdan gələn Novruz və Ramazan bayramları münasibətilə Azərbaycan Prezidenti İlham Əliyev və Birinci vitse-prezident Mehriban Əliyevanı təbrik edib.
“Operativ Məlumat Mərkəzi-OMM”-in məlumatına görə, Milli Məclisin sədri Sahibə Qafarova parlamentin bu gün keçirilən iclasında xüsusi təkliflə çıxış edib. O, Novruz və Ramazan bayramları münasibətilə Azərbaycan Prezidenti İlham Əliyev və Birinci vitse-prezident Mehriban Əliyevaya təbrik məktubunun ünvanlanmasını irəli sürüb.
İclasda iştirak edən deputatlar sədrin təklifinə yekdilliklə dəstəklərini ifadə ediblər.
