Xocalı rayonuna növbəti köç prosesi baş tutub. Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən verilən məlumata görə, mayın 26-da rayonun 5 kəndinə ümumilikdə 29 nəfərdən ibarət 9 ailə köçürülüb. Sakinlərə yeni mənzillərinin açarları təqdim edilib.
Köçürülmə prosesi aşağıdakı kəndləri əhatə edib:
- Xanabad kəndi: 2 ailə (9 nəfər)
- Badara kəndi: 2 ailə (4 nəfər)
- Ballıca kəndi: 1 ailə (1 nəfər)
- Təzəbinə kəndi: 1 ailə (3 nəfər)
- Xanyurdu kəndi: 3 ailə (12 nəfər)
Sakinlər tam bərpa olunmuş və müasir infrastrukturla təchiz edilmiş evlərdə məskunlaşıblar. Doğma yurdlarına qayıdan ailələr dövlət tərəfindən yaradılan şəraitə görə razılıqlarını bildirərək, geri dönməyin sevincini yaşadıqlarını qeyd ediblər.
