UNESCO Komitəsi Cənubi Koreyanın Pusan şəhərində keçirilən iclasında altı mədəniyyət obyektini eyni vaxtda həm Ümumdünya İrs Siyahısına, həm də Təhlükədə olan Ümumdünya İrs Siyahısına daxil edib.
“Operativ Məlumat Mərkəzi-OMM” bu barədə "Al Jazeera"ya istinadən xəbər verir.
Telekanalın məlumatına görə, qərar döyüş əməliyyatları zonalarında yerləşən abidələrin məhv edilməsi təhlükəsi ilə əlaqədar təcili prosedur əsasında qəbul edilib.
Siyahıya İordan çayının Qərb sahilində, Nablus şəhəri yaxınlığında yerləşən Sebastiya arxeoloji kompleksi daxil edilib. O, Dəmir dövründən İslam hökmranlığı dövrünə aid abidələri özündə birləşdirir. Fələstin tərəfi İsrailin milli park yaratmaq üçün bitişik torpaqları müsadirə etmək planları fonunda obyektin qorunmasına nail olmağa çalışır.
Həmçinin siyahıya Livanın cənubunda, Amel dağı ərazisindəki beş qala, o cümlədən orta əsrlərə aid Bofor qalası daxil edilib. Mayın sonunda İsrailin müdafiə naziri İsrael Kats bildirmişdi ki, bu obyekt İsrail Müdafiə Qüvvələrinin (İMQ) nəzarəti altındadır.
