Türkiyənin Milli Kəşfiyyat Təşkilatı (MİT) ölkə hüdudlarından kənarda İŞİD terror təşkilatına qarşı xüsusi tədbir həyata keçirib. "TRT Haber"-ə istinadən yayılan məlumata görə, əməliyyat MİT və Suriya Kəşfiyyat Xidmətinin koordinasiyalı əməkdaşlığı çərçivəsində baş tutub.
Keçirilən tədbirlər nəticəsində "qırmızı bülleten"lə beynəlxalq axtarışda olan 10 İŞİD üzvü ələ keçirilib. Saxlanılan şəxslərin Türkiyəyə gətirildiyi bildirilir. Hazırda əməliyyatla bağlı araşdırmalar davam etdirilir.
