Türk Dövlətləri Təşkilatının (TDT) Baş katibi Kubanıçbek Ömüralıyev Azərbaycan Prezidenti İlham Əliyevə 28 May - Müstəqillik Günü və Qurban bayramı münasibətilə təbrik məktubu ünvanlayıb. Məktubda Azərbaycan xalqının müsəlman dünyasında ilk demokratik respublikanı təsis etməsinin bütün Türk dünyası üçün qürur mənbəyi olduğu vurğulanıb.
Baş katib Azərbaycanın təşkilata sədrliyi dövründə görülən işlərə xüsusi diqqət çəkib:
- Ötən ilin oktyabrında Qəbələdə keçirilən "Regional sülh və təhlükəsizlik" mövzulu 12-ci Zirvə Görüşü ilə başlayan sədrliyin təşkilatın qlobal nüfuzunu artırdığı qeyd olunub.
- Çoxşaxəli əməkdaşlığın keyfiyyətcə yeni mərhələyə yüksəldiyi bildirilib.
Kubanıçbek Ömüralıyev təşkilatın güclənməsinə verdiyi töhfələrə görə Prezident İlham Əliyevə təşəkkürünü çatdırıb. O, Azərbaycanın dövlət başçısının rəhbərliyi ilə inkişafını davam etdirəcəyinə əminliyini ifadə edərək, xalqın rifahı naminə ali dövləti fəaliyyətdə uğurlar arzulayıb.
