Gürcüstan Daxili İşlər Nazirliyinin (DİN) Tbilisi Polis Departamentinin Köhnə Tbilisi Bölməsinin əməkdaşları narkotiklərin qanunsuz dövriyyəsinin qarşısının alınması istiqamətində xüsusi əməliyyat təşkil edib. Keçirilən tədbirlər nəticəsində xarici ölkə vətəndaşı şübhəli şəxs qismində saxlanılıb.
“Operativ Məlumat Mərkəzi-OMM” xəbər verir ki, həmin şəxs xüsusilə külli miqdarda narkotik vasitənin qanunsuz əldə edilməsi, saxlanılması və satışına kömək etməkdə ittiham olunur. Nazirliyin yaydığı rəsmi məlumata əsasən, hüquq-mühafizə orqanlarının əməkdaşları tərəfindən təqsirləndirilən şəxsin yaşadığı ünvanda aparılan axtarış zamanı satış üçün qablaşdırılmış 23 bağlama narkotik vasitə aşkar edilərək müsadirə olunub.
Faktla bağlı araşdırmalar davam etdirilir.
