NATO-nun baş katibi Mark Rutte ABŞ Prezidenti Donald Trampın Polşaya əlavə 5000 hərbçi yerləşdirilməsi ilə bağlı qərarına dəstək ifadə edib. Bu barədə məlumatı Reuters agentliyi yayıb.
İsveçdə keçirilən NATO-ya üzv dövlətlərin xarici işlər nazirlərinin toplantısında çıxış edən Rutte bildirib ki, alyansın hərbi komandanlığı qərarın icrası ilə bağlı texniki detalları nəzərdən keçirir. Baş katib vurğulayıb ki, ABŞ-ın bu addımı NATO üçün böyük əhəmiyyət kəsb edir.
Rutte qeyd edib ki, bu təşəbbüsün əsas məqsədi Avropanın müdafiə potensialını artırmaq və ABŞ-dan asılılığı mərhələli şəkildə azaltmaqdır:
- Avropanın və NATO-nun daha güclü olması əsas hədəfdir.
- ABŞ-dan asılılığın azalması Vaşinqtona digər qlobal prioritetlərə daha çox diqqət ayırmaq imkanı verəcək.
Xatırladaq ki, Donald Tramp bir müddət öncə Polşa Prezidenti Karol Navrotski ilə əlaqələrinə istinad edərək, Polşaya 5000 nəfərlik əlavə hərbi kontingentin göndəriləcəyini elan etmişdi.
