Böyük Britaniyanın Azərbaycana təyin olunan yeni səfiri Dunkan Norman ölkəyə gəlib. Diplomat bu barədə "X" sosial şəbəkəsindəki hesabında məlumat paylaşıb.
Səfir paylaşımında qeyd edib: "Bundan əvvəl Azərbaycanda olmağıma baxmayaraq, Böyük Britaniyanın yeni təyin olunmuş səfiri kimi buraya gəlmək fərqli hissdir. Bu ölkənin mədəniyyətini və qonaqpərvərliyini hiss etmişəm. Ölkələrimizi artıq 30 ildən çoxdur ki, möhkəm dostluq və qarşılıqlı etimad bağları birləşdirir. İkitərəfli münasibətlərimizi strateji tərəfdaşlıq səviyyəsinə yüksəltdiyimiz dövrdə bu vəzifəyə başlamaqdan qürur və şərəf duyuram".
Xatırladaq ki, Böyük Britaniyanın Azərbaycandakı səfiri Fergus Auldun diplomatik missiyası mayın 22-də yekunlaşıb.
