İnsanyönümlü şəhərsalma prinsiplərinə söykənən kollektiv fəaliyyətin zəruriliyi vurğulanıb. BMT-nin Məskunlaşma Proqramının (UN-Habitat) icraçı direktoru Anaklaudia Rossbax Ümumdünya Şəhərsalma Forumunun 13-cü Sessiyasının (WUF13) rəsmi bağlanış mərasimində çıxışı zamanı şəhərsalma sahəsindəki çağırışlara toxunub.
A.Rossbax bildirib ki, mənzil təminatı məsələsi yenidən ictimai məsuliyyət kimi prioritetləşdirilməlidir. O, şəhərlərin və yerli icmaların səlahiyyətlərinin artırılmasının vacibliyini qeyd edərək, aşağıdakı məqamlara diqqət çəkib:
- Məcburi köçürülmə hallarına son qoyulması;
- Həssas qruplardan olan icmaların müdafiəsinin gücləndirilməsi;
- Mənzil maliyyələşdirməsi sistemində transformasiyanın həyata keçirilməsi.
