Azərbaycan və Çin arasında strateji əlaqələrin inkişafı çərçivəsində Azərbaycan Prezidentinin köməkçisi Hikmət Hacıyev mühüm görüş keçirib. O, Çinin Avropa məsələləri üzrə keçmiş xüsusi nümayəndəsi Vu Honqbo və Çinin Azərbaycandakı səfiri Lu Mey ilə bir araya gəlib.
“Operativ Məlumat Mərkəzi-OMM” xəbər verir ki, Hikmət Hacıyev bu rəsmi görüşlə bağlı "X" sosial media hesabında xüsusi paylaşım edib.
"Azərbaycan–Çin hərtərəfli strateji əməkdaşlığı barədə fikir mübadiləsi apardıq və əsas regional məsələləri müzakirə etdik," - deyə o, paylaşımında qeyd edib. Prezident Administrasiyasının rəsmisi bu təması ikitərəfli münasibətlərin dərinliyini əks etdirən dəyərli dialoq kimi qiymətləndirib.
