Azərbaycanın xarici işlər naziri Ceyhun Bayramov 25 may tarixində Amerika Birləşmiş Ştatlarının Nyu-York şəhərinə işgüzar səfərə yola düşüb. Bu barədə Xarici İşlər Nazirliyinin (XİN) rəsmi "X" sosial şəbəkə hesabında məlumat verilib.
Səfər proqramına əsasən, 26 may tarixində Ceyhun Bayramovun BMT Təhlükəsizlik Şurasının "BMT Nizamnaməsinin məqsəd və prinsiplərinin qorunması və BMT mərkəzli beynəlxalq sistemin gücləndirilməsi" mövzusunda keçiriləcək yüksək səviyyəli iclasda çıxış etməsi planlaşdırılır. Eyni zamanda, nazirin səfər çərçivəsində bir sıra yüksək səviyyəli rəsmi şəxslərlə görüşlər keçirəcəyi nəzərdə tutulub.
