Prezident İlham Əliyev kənd təsərrüfatı məsələlərinə həsr olunmuş müşavirədə ölkənin əsas ərzaq məhsulları üzrə təminat səviyyəsi haqqında məlumat verib. Dövlət başçısı investorları idxal olunan məhsulların yerli istehsalına töhfə verməyə çağırıb.
Müşavirədə səsləndirilən statistik göstəricilərə əsasən, ölkənin müxtəlif ərzaq məhsulları üzrə vəziyyəti aşağıdakı kimidir:
- Mal əti: 84 % təminat; 150 min ton istehsal, 30 min ton idxal.
- Quş əti: 82 % təminat; 147 min ton istehsal, 32 min ton idxal.
- Qoyun-keçi əti: 94 % təminat; 88 min ton istehsal, 5 min ton idxal.
- Yumurta: İdxala ehtiyac yoxdur; 2 milyard 340 min ədəd istehsal, 90 milyon ədəd ixrac.
- Balıq və balıq məhsulları: 81 % təminat; 23 min ton idxal, 7 min ton ixrac.
- Bitki yağları: 52 % təminat; 56 min ton istehsal, 62 min ton idxal.
- Kərə yağı: 62 % təminat; 26 min ton istehsal, 20 min ton idxal, 4 min ton ixrac.
- Çay: 86 % təminat; 11 min ton istehsal, 2,5 min ton idxal, min tona yaxın ixrac.
- Duz: Tam təminat; 80 min ton istehsal, 20 min ton ixrac.
- Un: 95 % təminat; 1 milyon 364 min ton istehsal, 95 min ton idxal, 28 min ton ixrac.
- Makaron məmulatları: 89 % təminat; 34 min ton istehsal, 18 min ton idxal, 14 min ton ixrac.
- Şəkər: 102 % təminat; 96 min ton ixrac.
