Azərbaycan Xarici İşlər Nazirliyi (XİN) Pakistanın Kvetta şəhərində qatarda törədilən terror aktı nəticəsində insan tələfatı və yaralananların olması ilə əlaqədar başsağlığı ünvanlayıb. Nazirliyin rəsmi "X" sosial şəbəkə hesabında məsələ ilə bağlı paylaşım edilib.
Paylaşımda qeyd olunub: "Biz Pakistanın Kvetta şəhərində qatarı hədəf alan, günahsız insanların faciəvi şəkildə həlak olması və bir çoxlarının yaralanması ilə nəticələnən mənfur terror hücumunu qətiyyətlə pisləyirik. Qurbanların ailələrinə dərin hüznlə başsağlığı verir və bu çətin dövrdə qardaş Pakistan xalqı və hökuməti ilə həmrəyliyimizi ifadə edirik".
XİN-dən verilən məlumata görə, bu cür terror aktlarına heç bir halda bəraət qazandırıla bilməz.
